go

എംഎൽഎയുടെ സഹോദരപുത്രിയുമായി ഒളിച്ചോടി; യുവാവിനെ വെട്ടിക്കൊന്നു

murder
SHARE

ബെംഗളൂരു ∙ ജനതാദൾ (എസ്) എംഎൽഎയുടെ സഹോദരപുത്രിയെ പ്രണയിച്ചു വിവാഹം കഴിച്ച യുവാവിനെ അജ്ഞാതർ വെട്ടിക്കൊലപ്പെടുത്തി. മഹാലക്ഷ്മി ലേ ഔട്ട് എംഎൽഎ ഗോപാലയ്യയുടെ സഹോദരൻ ബസവരാജുവിന്റെ ഡ്രൈവറായിരുന്ന മനു(30) ആണു കൊല്ലപ്പെട്ടത്. ദുരഭിമാനക്കൊലയാണെന്ന് ആരോപണമുയരുന്നുണ്ടെങ്കിലും ഗുണ്ടാപ്പട്ടികയിലുള്ള യുവാവിനെ എതിരാളികൾ കൊന്നതാകാനും സാധ്യതയുണ്ടെന്നാണു പൊലീസ് പറയുന്നത്.

മകൾ പല്ലവിയെ (18) തട്ടിക്കൊണ്ടുപോയെന്നു നേരത്തെ ബസവരാജു കേസ് കൊടുത്തിരുന്നു. തുടർന്ന്, വിവാഹം കഴിക്കാനായി ഒളിച്ചോടിയതാണെന്നും ജീവനു ഭീഷണിയുണ്ടെന്നറിയിച്ചും മനുവും പല്ലവിയും ചേർന്നു ഫെയ്സ്ബുക്കിൽ വിഡിയോ പോസ്റ്റ് ചെയ്തു. മനുവിനെ പിന്നീട് അറസ്റ്റ് ചെയ്തു. ജാമ്യം ലഭിച്ചതിനു പിന്നാലെ രണ്ടുമാസം മുൻപു പല്ലവിയുമായി വീണ്ടും ഒളിവിൽ പോകുകയായിരുന്നു.സംഭവവുമായി ബന്ധമില്ലെന്നാണ് എംഎൽഎയുടെ പ്രതികരണം.

MORE IN BENGALURU LOCAL NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE FROM MANORAMA ONLINE
From Onmanorama