go

എയർബാഗ് രക്ഷിച്ചു

Ernakulam News
കൂത്താട്ടുകുളം കാലിക്കറ്റ് കവലയ്ക്ക് സമീപം ലോറിയിൽ നിന്ന് റോഡിൽ വീണ മെറ്റലിൽ കയറി നിയന്ത്രണം വിട്ട് വൈദ്യുതി പോസ്റ്റിൽ ഇടിച്ച് തകർന്ന കാർ (ഇടത്ത്). റോഡിൽ നിരന്ന മെറ്റൽ കഴുകി നീക്കുന്ന അഗ്നിരക്ഷാസേന (വലത്ത്).
SHARE

കൂത്താട്ടുകുളം ∙ എംസി റോഡിൽ കാലിക്കറ്റ് കവലയ്ക്ക് സമീപം ലോറിയിൽ നിന്ന് വീണ മെറ്റലിൽ കയറി നിയന്ത്രണം വിട്ട കാർ, വൈദ്യുതി പോസ്റ്റിൽ ഇടിച്ച് അപകടം. തകർന്ന കാറിലുണ്ടായിരുന്ന യുവാക്കൾ എയർബാഗ് പ്രവർത്തിച്ചതിനാൽ പരുക്കേൽക്കാതെ രക്ഷപ്പെട്ടു.

മൂവാറ്റുപുഴയിൽ നിന്ന് അടൂർക്ക് പോവുകയായിരുന്ന 2 ഫൊട്ടോഗ്രഫർമാരാണ് കാറിൽ ഉണ്ടായിരുന്നത്. റോഡിൽ തെന്നി വട്ടം തിരിഞ്ഞ ശേഷമാണ് കാർ പോസ്റ്റിൽ ഇടിച്ചത്. ഇന്നലെ രാവിലെ ഏഴരയോടെയായിരുന്നു അപകടം. കരിങ്കൽ ക്വാറിയിൽ നിന്ന് കോട്ടയം ഭാഗത്തേക്ക് ചിപ്സ് എന്ന ചെറിയ ഇനം മെറ്റലുമായി പോവുകയായിരുന്ന വലിയ ലോറിയിൽ നിന്നാണ് ചോർച്ച ഉണ്ടായത്.

പത്തു കിലോമീറ്ററോളം ഇപ്പുറം മുതൽ റോഡിൽ ചിപ്സ് വീണ് നിരന്നു കിടക്കുന്നുണ്ട്. റോഡിൽ കൂടുതലായി കിടന്ന ചിപ്സ് അഗ്നിരക്ഷാസേന നീക്കം ചെയ്തെങ്കിലും ഇരുചക്ര വാഹന യാത്രികരെ അപകടത്തിലാക്കുന്ന വിധം കിലോമീറ്ററുകളോളം നീളത്തിൽ ചിപ്സ് വാഹനത്തിൽ വീണു കിടക്കുന്നുണ്ട്. സുരക്ഷാ മാനദണ്ഡങ്ങൾ പാലിക്കാതെ പോകുന്ന വലിയ ലോറികളിൽ നിന്ന് മെറ്റലും മണലും റോഡിൽ വീഴുന്നത് പതിവാണ്.

MORE IN ERNAKULAM LOCAL NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE FROM MANORAMA ONLINE
From Onmanorama