go

കണ്ണൂരിൽ വിമാനക്കൊടി പാറിക്കാൻ എത്തുന്നത് നിഹാരികയും ആത്മീയയും

Niharika, Athmiya
SHARE

ആദ്യവിമാനത്തിനു വീശാനുള്ള പതാകയുമായി മട്ടന്നൂർ വിമാനത്താവളത്തിലേക്കെത്തുന്ന സൈക്കിൾ റൈഡിനെ സ്വീകരിക്കാൻ കണ്ണൂരിന്റെ പ്രിയതാരങ്ങളെത്തും. ചാലക്കുടിക്കാരൻ ചങ്ങാതിയിലൂടെ മലയാള സിനിമയിലേക്കു കാലെടുത്തുവച്ച നിഹാരിക എസ്. മോഹനും, ജോസഫ്, മനംകൊത്തി പറവൈ (തമിഴ്) സിനിമകളിലൂടെ ശ്രദ്ധേയയായ ആത്മീയയുമാണു ചരിത്രമുഹൂർത്തത്തിനു നിറം പകരാനെത്തുന്നത്.

8നു രാവിലെ 9.30നു മട്ടന്നൂർ വായന്തോട് ജംക്‌ഷനിൽ സൈക്കിൾ റൈഡിന് ഒരുക്കുന്ന സ്വീകരണ പരിപാടികളിലാണു താരങ്ങൾ പങ്കെടുക്കുക. ആദ്യ വിമാനം ഫ്ലാഗ് ഓഫ് ചെയ്യാനുള്ള പതാകയുമായി 347 സൈക്കിൾ റൈഡർമാർക്കൊപ്പം വിമാനത്താവളത്തിലേക്ക് ഇവർ സൈക്കിളുരുട്ടുകയും ചെയ്യും.

മട്ടന്നൂർ നഗരസഭാധ്യക്ഷ അനിത വേണു, കീഴല്ലൂർ പഞ്ചായത്ത് പ്രസിഡന്റ് എം. രാജൻ എന്നിവരും സൈക്കിൾ റൈഡിനെ സ്വീകരിക്കും. ഇവിടെ കാണികൾക്കായി ഗെയിംഷോയും സമ്മാനങ്ങളുമുണ്ട്. മലയാള മനോരമയും കാനനൂർ സൈക്ലിങ് ക്ലബ്ബും ചേർന്നാണ് ഉദ്ഘാടനത്തലേന്ന്, റൈഡ് ടു കണ്ണൂർ എയർപോർട്ട് എന്ന പേരിൽ കണ്ണൂരിൽനിന്നു വിമാനത്താവളത്തിലേക്കു സൈക്കിൾ റൈഡ് സംഘടിപ്പിക്കുന്നത്.

8നു രാവിലെ 7.30നു കണ്ണൂർ പൊലീസ് പരേഡ് ഗ്രൗണ്ടിൽ നടക്കുന്ന ചടങ്ങിൽ കലക്ടർ മിർ മുഹമ്മദ് അലി പതാക കൈമാറും. 9.30നു വായന്തോട് ജംക്‌ഷനിലെ സ്വീകരണത്തിനുശേഷം വിമാനത്താവളത്തിൽ കിയാൽ എംഡി വി. തുളസീദാസ് പതാക ഏറ്റുവാങ്ങും. റൈഡിനു റജിസ്റ്റർ ചെയ്തവർ രാവിലെ 6.30നു പൊലീസ് പരേഡ് ഗ്രൗണ്ടിലെത്തണം.

MORE IN KANNUR LOCAL NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE FROM MANORAMA ONLINE
From Onmanorama