go

മരണം വിവർത്തനം ചെയ്ത ജീവിതപുസ്തകം

Kozhikode-kongani-language
കൊങ്കണി ഭാഷാ പ്രതിഷ്ഠാൻ കേന്ദ്ര സാഹിത്യ അക്കാദമിയുമായി ചേർന്ന് കോഴിക്കോട് സംഘടിപ്പിച്ച കൊങ്കണി കവിതാ സായാഹ്നത്തിൽ ശരത്ത്ചന്ദ്ര ഷേണായി പ്രസംഗിക്കുന്നു.
SHARE

കോഴിക്കോട്∙ എഴുതിപ്പൂർത്തിയാക്കിയ പുസ്തകം പുറത്തിറങ്ങുംമുൻപെ വിവർത്തക ഓർമയായി. ഒ.എൻ.വി കുറുപ്പിന്റെ ഒരു പുരാതന കിന്നരം എന്ന കവിതയുടെ കൊങ്കണി വിവർത്തനമാണ് വിവർത്തക ഡോ. എൽ.സുനീത ബായ് മരണമടഞ്ഞശേഷം 2 മാസത്തിനുള്ളിൽ പുറത്തിറങ്ങിയത്. 

ഒ.എൻ.വിയുടെ മൂന്നാം ചരമവാർഷികമാണ് ബുധനാഴ്ച. ‘ഹെയിൻ പുരാതന കിന്നര’ എന്നു പേരിട്ടിരിക്കുന്ന പുസ്തകത്തിന്റെ വിവർത്തനം പൂർത്തിയാക്കി പ്രിന്റിങ് ജോലികൾ നടക്കുന്നതിനിടെയാണ് കൊച്ചി സ്വദേശിയായ സുനീത ബായ് ഓർമയായത്. കൊങ്കണി നിഘണ്ടുവിലൂടെ ശ്രദ്ധേയയായ സാഹിത്യകാരി കൂടിയാണ് സുനീത ബായ്. കൊങ്കണി സാഹിത്യ അക്കാദമിയാണ് പുസ്തകം പ്രസിദ്ധീകരിച്ചത്. 

കോഴിക്കോട് കൊങ്കണി ഭാഷാ പ്രതിഷ്ഠാനും കൊങ്കണി സാഹിത്യ അക്കാദമിയും സംഘടിപ്പിച്ച സാഹിത്യ സമ്മേളനത്തിൽ പുസ്തകം പ്രഫ. പി.കെ. രാധാമണി കെ.സുരേന്ദ്ര റാവുവിനു നൽകി പ്രകാശനം ചെയ്തു. കൊങ്കണി ഭാഷാ പ്രതിഷ്ഠാൻ പ്രസിഡന്റ് ബാലഗോപാൽ ടി.എസ്.പ്രഭു അധ്യക്ഷനായി.

കൊങ്കണി കവിതാ സമ്മേളനത്തിൽ സാഹിത്യ അക്കാദമി പുരസ്കാര ജേതാവ് ശരത്ചന്ദ്ര ഷേണായ്, ആർ.എസ്.ഭാസ്കർ,  സ്മിത ഷേണായ്, എൻ. ബാലകൃഷ്ണ മല്ല്യ തുടങ്ങിയവർ കവിതകൾ അവതരിപ്പിച്ചു. സാഹിത്യ അക്കാദമിയയുടെ കൊങ്കണി ഉപദേശക സമിതി അംഗങ്ങളായ ചന്ദ്രബാബു യു.ഷെട്ടി, പയ്യന്നൂർ രമേഷ് പൈ തുടങ്ങിയവർ പ്രസംഗിച്ചു.

MORE IN KOZHIKODE LOCAL NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE FROM MANORAMA ONLINE
From Onmanorama