go

വാഗ്ദാനം പാലിച്ച് സുരേഷ് ഗോപി;വീട് നി‍ർമിച്ചു നൽകി

ഗോവിന്ദാപുരം അംബേദ്കർ കോളനിയിൽ നിർമിച്ചു നൽകിയ വീടിന്റെ താക്കോൽ കൈമാറൽ ചടങ്ങിൽ സുരേഷ്ഗോപി എംപി പ്രസംഗിക്കുന്നു
ഗോവിന്ദാപുരം അംബേദ്കർ കോളനിയിൽ നിർമിച്ചു നൽകിയ വീടിന്റെ താക്കോൽ കൈമാറൽ ചടങ്ങിൽ സുരേഷ്ഗോപി എംപി പ്രസംഗിക്കുന്നു
SHARE

മുതലമട ∙ ജാതി വിവേചന പ്രശ്നം ഉയർന്ന ഗോവിന്ദാപുരം അംബേദ്കർ കോളനിയിലെ വീരൻ–കാളിയമ്മ ദമ്പതികൾക്കു നി‍ർമിച്ചു നൽകിയ വീടിന്റെ താക്കോൽ കൈമാറൽ സുരേഷ് ഗോപി എംപി നിർവഹിച്ചു. ഇപ്പോഴത്തെ പാർലമെന്റ് സമ്മേളനം കഴിഞ്ഞാൽ തിരഞ്ഞെടുപ്പാണ്. തിരഞ്ഞെടുപ്പ് കഴിഞ്ഞാൽ വീണ്ടും പാർലമെന്റ് വരും. വീണ്ടും ഭരണം വരും. വീണ്ടും നന്മ വരും, നന്മ വരണമെന്നും സുരേഷ്ഗോപി പറഞ്ഞു. 420 ചതുരശ്ര അടിയിൽ 2 മുറികളും ഹാൾ അടുക്കള ഉൾപ്പെടെ നിലം ടൈൽ പതിച്ചു നാലര ലക്ഷത്തോളം രൂപ ചെലവിട്ടാണു വീട് നിർമാണം പൂർത്തിയാക്കിയിരിക്കുന്നത്. അംബേദ്കർ കോളനിയിലെ തീർത്തും നിർധനരായ ഒരാൾക്കു കൂടി വീടു വച്ചു നൽകുമെന്നും അദ്ദേഹം വാഗ്ദാനം ചെയ്തു.

വാഗ്ദാനം പാലിച്ച് സുരേഷ് ഗോപി;വീട് നി‍ർമിച്ചു നൽകി

കെ.വേണു അധ്യക്ഷനായി. ജില്ലാ പ്രസിഡന്റ് ഇ.കൃഷ്ണദാസ്, ജന.സെക്രട്ടറി കെ.ജി.പ്രദീപ്കുമാർ, സംസ്ഥാന സമിതി അംഗം എം.ലക്ഷ്മണൻ, ജി.പ്രമോദ്കുമാർ, സി.അംബുജാക്‌ഷൻ, എം.സുരേന്ദ്രൻ, എ.സി.ശെൽവൻ, പി.സി.ശിവദാസ്, കെ.സതീഷ് എന്നിവർ പ്രസംഗിച്ചു.

താൻ മൽസരിക്കുന്നതായി അറിവില്ലെന്നു സുരേഷ് ഗോപി എംപി

കൊല്ലങ്കോട് (പാലക്കാട്)∙ ലോക്സഭ തിരഞ്ഞെടുപ്പിൽ താൻ മൽസരിക്കുന്നതായി അറിവില്ലെന്നു സുരേഷ് ഗോപി എംപി. ഗോവിന്ദാപുരം അംബേദ്കർ കോളനിയിൽ നിർമിച്ചു നൽകിയ വീടിന്റെ താക്കോൽ കൈമാറലിനു ശേഷം മാധ്യമങ്ങളോടു സംസാരിക്കുകയായിരുന്നു അദ്ദേഹം. താൻ മൽസരിക്കുമെന്ന വാർത്ത മാധ്യമങ്ങളിൽ നിന്നാണ് അറിഞ്ഞത്. തന്റെ പേരുണ്ടെന്നു വിശ്വസിക്കാനാവുന്നില്ല. ഉണ്ടാവില്ലെന്നാണു മനസ്സിലാക്കുന്നത്. പാർട്ടി നേതൃത്വം പറയുകയാണെങ്കിൽ അപ്പോൾ ആലോചിക്കാം.

നവോത്ഥാനം പ്രസംഗിച്ചു നടക്കുന്ന നാട്ടിലാണ് ഏറ്റവുമധികം അധമപ്രവർത്തനങ്ങൾ നടക്കുന്നത്. ശ്രീനാരായണ ഗുരുവും ചട്ടമ്പി സ്വാമികളും മന്നത്ത് പത്മനാഭനും  അയ്യങ്കാളിയും ചാവറയച്ചനുമെല്ലാം പറയുന്ന നവോത്ഥാനം സമ്പന്നവും സത്യസന്ധവുമായിരുന്നു. ഇന്ന് അതു പറയുന്ന എത്രപേർക്ക് അതിനുള്ള യോഗ്യതയുണ്ടെന്നതു പരിശോധിച്ചുനോക്കിയാലേ അറിയൂ എന്നും സുരേഷ് ഗോപി പറഞ്ഞു.

MORE IN PALAKKAD LOCAL NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE FROM MANORAMA ONLINE
From Onmanorama