go

ആ കുഞ്ഞ് ആരാണ് ? എന്തിനായിരുന്നു ക്രൂരത

Representative Image
SHARE

പാലക്കാട്∙ ജംക്‌ഷൻ റെയിൽവേ സ്റ്റേഷനു സമീപം കുറ്റിക്കാട്ടിൽ ചാക്കിൽ പൊതിഞ്ഞു ബാഗിലാക്കിയ നിലയിൽ കണ്ടെത്തിയ പെൺകുഞ്ഞിന്റെ മൃതദേഹം ഇനിയും തിരിച്ചറിഞ്ഞിട്ടില്ല. മൂന്നോ, നാലോ വയസ്സുള്ള പെൺകുട്ടിയെ കൊലപ്പെടുത്തിയ ശേഷമാണു മൃതദേഹം ബാഗിലാക്കി ഉപേക്ഷിച്ചത്. കഴിഞ്ഞ മാസം 15നു വൈകിട്ടാണു റെയിൽവേ ട്രാക്കിനരികെ മൃതദേഹമടങ്ങിയ ബാഗ് കണ്ടെത്തിയത്.

അന്നു മുതൽ പെൺകുഞ്ഞിനെ തിരിച്ചറിയാൻ ജില്ലാ പൊലീസ് അന്വേഷണത്തിലാണ്. തമിഴ്നാട്, കർണാടക സംസ്ഥാനങ്ങളിലേക്കും അന്വേഷണം വ്യാപിപ്പിച്ചു. കേരളത്തിൽ ഈ പ്രായത്തിലുള്ള മുഴുവൻ കുട്ടികളുടെയും വിവരം അങ്കണവാടി ജീവനക്കാരുടെ സഹായത്തോടെ പരിശോധിച്ചിരുന്നു. മൃതദേഹങ്ങൾ കണ്ടെത്തിയ സാഹചര്യം വിവരിച്ച് യു ട്യൂബിലും വിശദാംശങ്ങൾ നൽകി.

തമിഴ്നാട്ടിൽ ഒട്ടേറെത്തവണ അന്വേഷണം നടത്തി.ചില സൂചനകൾ ലഭിച്ചെങ്കിലും പ്രതികളെയോ കുട്ടിയുടെ വിശദാംശമോ ലഭിച്ചില്ല. നോർത്ത് പൊലീസ് ഇപ്പോഴും അന്വേഷണത്തിലാണ്. അന്വേഷണം എത്ര നീണ്ടാലും കുഞ്ഞിന്റെ വിലാസവും കുറ്റവാളികളെയും കണ്ടെത്തണമെന്നാണ് ആഭ്യന്തര വകുപ്പു നൽകിയിരുന്ന നിർദേശം.

MORE IN PALAKKAD LOCAL NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE FROM MANORAMA ONLINE
From Onmanorama