ആശുപത്രി ക്വാർട്ടേഴ്സുകൾ കാടു കയറി നശിക്കുന്നു

കയ്പമംഗലം∙ പെരിഞ്ഞനം ഗവ. ആശുപത്രിയിലെ 2 ക്വാർട്ടേഴ്‌സുകൾ കാടു കയറി നശിക്കുന്നു. തകർന്നു വീഴാറായ താമസയോഗ്യമല്ലാതായിട്ട് വർഷങ്ങളായി. സമീപത്തു രോഗികൾ കിടക്കുന്ന വാർഡ് തൊട്ടടുത്താണ്. പുൽചെടികൾ വളർന്നതിനാൽ പരിസരത്ത് ഇഴജന്തുക്കളുടെ ഭീഷണിയുണ്ട്. കെട്ടിടം പുനർ നിർമിക്കുകയോ സ്ഥലം ആശുപത്രി വികസനത്തിന്  ഉപയോഗപ്പെടുത്തുകയോ വേണമെന്ന്  ആശുപത്രി അധികൃതർ  ബ്ലോക്ക് പഞ്ചായത്തിനോട് ആവശ്യപ്പെട്ടിരുന്നു.