go

മൂന്ന് ബഷീർ കൃതികൾ ഹിന്ദിയിലേക്ക്

NewDelhi News
വൈക്കം മുഹമ്മദ് ബഷീറിന്റെ മൂന്നു നോവലുകളുടെ ഹിന്ദി പരിഭാഷ ‘ബഷീർ: തീൻ ലഘു ഉപന്യാസ്’ പ്രഫ. ഓംചേരി എൻ.എൻ. പിള്ള പ്രകാശനം ചെയ്യുന്നു. ഡോ. വി.പി. ജോയ്, ഡോ. സന്തോഷ് അലക്സ്, പ്രഫ. പി.സി. ടൻഡൻ എന്നിവർ സമീപം
SHARE

ന്യൂഡൽഹി ∙ വൈക്കം മുഹമ്മദ് ബഷീറിന്റെ മതിലുകൾ, ആനവാരിയും പൊൻകുരിശും, ജീവിതനിഴൽപ്പാടുകൾ എന്നീ നോവലുകളുടെ ഹിന്ദി പരിഭാഷ പ്രകാശനം ചെയ്തു. ‘ബഷീർ: തീൻ ലഘു ഉപന്യാസ്’ എന്ന പേരിൽ തയാറാക്കിയ പുസ്തകം പ്രഫ. ഓംചേരി എൻ.എൻ. പിള്ളയാണു പുറത്തിറക്കിയത്. ഡോ. വി.പി. ജോയ് ഏറ്റുവാങ്ങി. ബഷീറിന്റെ വൈവിധ്യം നിറഞ്ഞ ഭാഷ പരിഭാഷപ്പെടുത്തുക ഏറെ ശ്രമകരമായ ജോലിയാണെന്നു പ്രഫ. ഓംചേരി എൻ.എൻ. പിള്ള പറഞ്ഞു.

പ്രഫ. പി.സി. ടൻഡൻ പുസ്തകം പരിചയപ്പെടുത്തി. ബഷീർ രചനയുടെ സൗന്ദര്യം കൂടുതൽപേരിലെത്താൻ സഹായിക്കുന്നതാണു പരിഭാഷയെന്നും ഏറെ ശ്രമകരമായ ദൗത്യം ഡോ. സന്തോഷ് അലക്സ് മനോഹരമായി നിർവഹിച്ചിട്ടുണ്ടെന്നും അദ്ദേഹം പറഞ്ഞു. കൊച്ചിയിൽ സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് ടെക്നോളജിയിൽ ഡപ്യൂട്ടി ഡയറക്ടറായ ഡോ. സന്തോഷ് അലക്സ് മലയാളം, ഇംഗ്ലിഷ് ഹിന്ദി ഭാഷകളിലായി 36 പുസ്തകങ്ങൾ പ്രസിദ്ധീകരിച്ചിട്ടുണ്ട്. ഏറെക്കാലമായി വിവർത്തന രംഗത്തു സജീവം.

MORE IN BENGALURU LOCAL NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE FROM MANORAMA ONLINE
From Onmanorama